PICOLO THOMAS

Te go visto rivare

so na cuna piena de angei

(to mama sbandonā nel

leto sensa fiā). Te parevi

on principin pien de

grassia, cussė piccinin.

"Vardeme", te parevi dirne

pian pianin, e noialtri

a vardarte coi oci lucidi

pieni de basi. Te si passā

davanti come na reliquia

co quatro aneme vestie de ceeste

ti col baretin de cieo.

Se sentiva on profumo

de puteo pena nato

na nuvoea de borotalco

on odore de mama e de tete.

To popā caminava drito

come on generae pien de gloria

to zii e to noni tuti inalbarai.

Caro puteo picinin, no xe sta

soeo to mama a farte

anca noialtri ghemo vudo

i spremiti e spasemā par ti.

To mama se ga indormessā

sol cussin bianco slavā:

adesso la te cuna nel sono

de bombaso, la te canta

tante ninaree: sempre de pių

la te vole ben. Cressi puteo

bevi el so late de amor,

baseghe le man par ogni to salto

del cor; varda to popā cussė bon

el gavaria vossudo partorirte lu

par voerghe pių ben a ela

e essar pių vissin a ti.

ŠLuigina Bigon

8.2.2003 – 21,34 – Nascita di Thomas Viel – grammi 680.